Dejounte Murray leh Atlanta Hawks te chuan kum li contract ziak turin inremna an nei a, Dollar maktaduai 120 man contract pawhseina a ziak dawn.
An inremna hi nizan khan ziah a ni dawn a, an ziah fel chuan nakkum a free agent ni thei tur Murray hma hun hi Hawks in an thlung nghet dawn tihna a ni.
A contract ziah avang hian Hawks hnenah tun season lo awm tur telin kum nga a khel dawn tihna a ni a. Hetih chhung hian Dollar maktaduai 138 a hlawh thei dawn.
Kum 26 mi Murray hian Hawks tan season liamta khan 20.5 points, 6.1 assists, 5.3 rebounds leh 1.5 steals average a nei a. Hemi hma hian season nga chhung San Antonio Spurs tan a khel.
Hawks hian NBA draft a second round a an thlan Seth Lundy leh free agent Miles Norris te two way contract an ziahpui bawk.