Ultimate Fighting Championship chuan a hnuaia khawvel mixed martial artist ropui pahnihte a chawimawi zingah an tel a. UFC Hall of Fame-ah Anderson Silva leh Jose Aldo te an lawm lut.
Ningani zan khan Las Vegas a T-Mobile Arena-ah 2023 UFC Hall of Fame class lakluhna hun hi hman a ni a. He hunah hian tunhnai fans te pawhin an hriat phak mixed martial artist lar engemaw zat lakluh an ni.
Tan hlawh Donald “Cowboy” Cerrone pawh lakluh zingah telin ani bakah weight division zang zawka hma hruaitu Jens Pulver pawh lakluh a ni a. Kum 2015 a Robbie Lawler leh Rory MacDonald te inhmachhawn hmuhnawm tak mai chu lakluh a ni bawk.
Kum 48 mi ‘The Spider’ ti a hminglem an vuah Silva hi khawvela fighter tha ber an sawi zingah telh a ni fova. UFC-ah chak zawn rei ber record chelhtu niin vawi 16 a chak a. Mahni title humhim rei ber pahnihna niin vawi 10 a humhim a, vawi 11 hum tawh Jon Jones leh Demetrious Johnson te chiah a chungah an awm.
Kum 36 mi Aldo hi MMA chanchin a featherweight fighter hlawhtling ber a ni a. UFC leh WEC ah a zawnin vawi 9 a title a humhim a. Kum 23 mi a nihin WEC-ah champion in champion naupang ber a ni tel.
Kum 40 mi Cerrone hian Zuffa hnuaia inelna – UFC, WEC, Strikeforce leh Pride-ah te vawi 48 inlanin fight ngah ber a ni a, vawi 29 chakin hnehna chang ngun ber a ni bawk.