- Lallunghnema, Charity Lodge
Chhiartu zawng zawngte chibai vek ule.
Kan ti nek nek a, kumin 2023 kum chanve chu kan lo pel ve leh ta reng mai a!.Consumer Huang pawh hei thla ,6 chhung hian vawi 24 zet ka puitlin thei a.Ka lawm em em a ni.
Ka thu leh hlate hi tute mahin lo hlawkpui lo mahse, Pathian min hruaina hi ropui ka ti hrim hrim! Bahlah nei lovin Thawhtanni apiangin consumer article ka la luah tluang zel a nih hi! Chutih laiin ka theihnate tlem hle mahse, consumer-te zinga harsatna neiten min pun ve thin a.Chu’ng complaint-te chu ka lo buaipui ve zel thei a. Hei hi ka lawmna tizualtu a ni.Fakna phei chu phurna leh chona min petu a ni!Rosum aiin a hlu zawk!
Thil leina leh hmanna a mi mangangte tlan khawmna nih zel pawh hi ka duh a ni. Chu chu ka dam chhan pawh niin ka hria a ni.
Kum 25 kaltaah khan ka thiante nen Mizoram Consumer’s Union kan din a. Sumdawng leh dawrkaite thil tih dik loh hai lanna leh consumer-ten an chanvo an chan theih nana hma la thin kan ni a.
Kei hi thu ziak thin, ziak lama tui ka nih avangin khang hun lai atang khan consumer article hi ka ziak chho ta zel a, Tin, hemi bakah hian a tak taka luh chilh mi, atchilh bur mi ka lo nih avangin ziak bakah hian theihtawp chhuahin thil leia harsatna tawkte chu ka lo buaipui ve thin a. Mahnia thutlukna siam ngaihchang a lo awm bawk nen; a malin ka thawk a, a malin ka bei ta zel bawk a nih hi!
Tun tum chu thil thar ka rawn chhawp chhuak e. Consumerte thuam chakna lehkhabu pawh vawi 6 zet ka ziak a, consumer article hi za tel fe ka tlin hial tawhin ka ring a ni. Mahni hminga thil tih a ngaih chhoh zel avangin thian thate min rawn angin ka sa ngawi zawnpui thian tha thenkhatte nen Centre For Consumer Education chu kan han din ta rawih a. Kum 3-naah Mizoram Societies Act hnuaiah kan lo inziak lut ve ta a ni a.Hma pawh tun aia chak zawkin kan la thei ngei turah ngai ila, a tha ang e.
He Centre thil tum ber chu Consumer Right Awareness a ni a. A tul ang angin hma a la chho dawn a ni.
Centre for Consumer Education Postal Address chu hetiang hi a ni.Lehkha pawh hetiang hian thawn tur a ni:
To
The Chairman,
Centre for Consumer Education,
Republic, Mual Vengchung,
Aizawl. near Vety Complex
Mobile phone number chu MB-9862288182/94002321590 a ni a.Registration Number chu: Mizoram Societies Registration Act 2005 Act No. 13 of 2005. Code Number chu 976001 a ni e.
Pawl Hruaitute :-
1) Chairman : Lallunghnema, Charity Lodge.Republic Veng.
2) Vice Chairman : Lalsangpuia, Dinthar
3) Secretary : C. Rohnuna, Chawlhhmun
4) Treasurer : H. Lalfakawma, Salem Veng
Governing Body member 15 an awm bawk a ni. Centre For Consumer Education thil tih tumte chu hengte hi an ni.
1) Consumer-te dikna leh chanvo humhalhsak.
2) Consumer Advocacy a zau thei ang bera mipuite tana buatsaihsak.
3) Consumer-te ei leh in, tui thianghlim leh tlo an hmuh theih nana hmalak.
4) Consumer Awareness Programme chi hrang hrang buatsaih.
5) Sawrkar leh NGO dangte nen a tul anga thawhhona neih.
6) Consumer-te dikna leh chanvo humhalh a nih theih nan Corpus Fund ngaihtuahpui.
7) Mipui chanvo leh dikna humhalh a nih theihnan hmalak.
8) Consumer-ten bungraw tha leh hmantlak an lei theih nana thawh.
Member ni theite:
Centre for Consumer Education-ah hian mi zawng zawng member a nih theih ngawt dawn lo va, Danin a phut anga an nih emaw thil an tih emaw a ngai dawn a ni.
1) Mi tupawh kum 18 chin pawl inkaihhruaina zawm thei chu member a ni thei ang. Kum 18 aia hnuai member an ni thei lovang.
2) Centre For Consumer Education member ni duh tan Rs. 50/- pek a ngai a. Kum tin Rs. 50/- hi pek thar leh zel tur a ni. Annual fee pe lo chu member a nih zui theih loh a. He Consumer Centre hian a member te chauh a puih dawn avangin member nih a hlu hle dawn a ni.
3) He pawla tel duh chu Zoram khua leh tui dik tak a ni tur a ni. Foreigner -te chu member an ni thiang lo tihna a nih chu.
He pawl hi kum 3 emaw awrh chauh a upa a ni nain tibuaitu a ngah em em a.Mimal hamthatna ni lovin pawl tan ni hek lovin mipui tan a ding a; a ding zel dawn a ni.
- Centre for Consumer Education i tan!
- Service tha
- Bungraw tha
- Khin dik
- Belh tlak
- Consumer-te dam na,
- Certificate of Registration **** Mizoram Societies Registration Act 2005 Act No. 13 of 2005
- Registration No. MSC 1610 of 2023.
Thu belh: Ka thian tha tak tak,sakhua leh khawvel thil a ka sangawi zawnpui tam tak party politics khela an tei huai huai laiin keini ve chu mipui chanvo buaipuiin kan lo hmanhlel ve thung a.Kan goal erawh a inang reng.Chu chu mipui hlimna leh thlamuanna a ni.Kan kalkawng a dang mai chauh a ni.
A tawpna pawh Pathian a ni.Mipui rawngbawl hi Pathian thu a ni.Fel lo tak chunga Consumer Activist ka ni hi ka lawm em em a,Pathian pawhin min awmpui tih ka hria!