Aizawl: Excise & Narcotics Department (END) chuan hmun hnihah heroin kg 2 leh gram 691 (hawng 235) an man. Ruihhlo man te hi Myanmar atanga lo kal, state danga hralh tur nia sawi a ni.
Zirtawpni zan dar 6:35 khan END leh CADS thawkdun chuan an thudawn bawhzuiin Bawngkawn Thlanmual vengah heroin gram 56 (hawng 5) leh a neitu nia puh mi pahnih – Lalremruati (26) leh Chiansianzamang (54), Bawngkawn (Khuangchera Section)-a khawsa ve ve nia inchhalte chu an man.
Inrinni zing dar 1:30 khan END chuan Selesih (TMEF Camping Centre bul)-ah heroin kg 2 & gram 635 (hawng 230) leh a neitu nia puh mi pasarih – H. Thangngaihliana (49), Vapar, Champhai District; Kausar Alom Laskar (24), Dakshin Mohanpur, Sonai, Assam; Jaidul Hussain Laskar (20), Loknathur, Assam; Abdul Rahim Laskar (25), Bawngkawn Section B; Ajmal Hussain Laskar (21), Uttarkrishnapur, Silchar, Assam; Hamidul Hoque Barbhuiya (30), Dhaneihari, Silchar, Assam leh Jakir Hussain Laskar (20), Uttarkrishnapur, Silchar, Assam nia inchhalte an man.
Hetih rual hian heroin phurhna atana an hman Bolero Camper Regn No. MZ01R-7137 pawh hren tel nghal a ni.
Heroin vanga mante hi dan tlawhchhanin thubuai siamsak an ni a, Inrinni khan Court-ah hruai nghal an ni.