Covid-19 leng avangin kuminah mi pariat an thi tawh a, tunah hian hri kai enkawl mek mi paruk an awm.
Integrated Disease Surveillance Program (IDSP) hotute hnen aţanga thudawn danin June ni 22 khan K.Thangliankhuma, kum 59, Upper Republic, Aizawl chu Covid-19 vangin Trinity Hospital-ah a thi a. Thuneitu lamin report an dawn tlai avangin Zirtawpni khan Covid-19 vanga thi zingah ziahluh chauh a ni.
Kumin January 1 aţanga tun thleng hian Covid-19 vei leh vei lo sample 3,707 endik a ni tawh a, an zinga 588 chuan hri an kai tih hmuhchhuah a ni a. Hri kai zinga 574 chu an dam tawh a, mi 8 an thi a, enkawl mek mi 6 an awm a ni.
Kum 2020 aţanga tun thlengin Mizoramah mi 734 Covid-19 vangin an thi tawh a ni.