South African president hlui, Jacob Zuma chuan chuan court thu angin tan inah hun a hmang tan ta.
Justice & Correctional Services Minister Ronald Lamola chuan court-in a tan zat tur a tuksak hmun lia thena hmun khat a tan hnuah parole-a chhuah phalsak a ni dawn tih Ningani khan a puang.
“President hlui hi a tan chhung zawng a zahawmna humhimsak a ni ang,” tiin Estcourt Correctional Center kawtah thuthar lakhawmtuten an kawmnaah a sawi.
Nilaini zanlai khan Constitutional Court thu angin Zuma hi police-ten thla 15 chhung tang turin a chenna in atangin an hruai a. A fapa chuan gate-ah police-te dangin thisen a chhuah hma chuan a pa chu mantir tum lo Zuma hian inmantir a thlang.
Minister hian correctional center-a an hospital section-ah Zuma hi a hriselna enfiah phawt a nih thu a sawi.
“Fimkhur thu hlaah leh Covid-19 inkaihhruaina chungchanga dan awmah president hlui hi ni 14 chhung khung hran a ni ang,” a ti bawk.
Zuma hi kum kua president a nih chhunga ei ruk thubuai a neih vangin khin a ni a. An puhna hi phaa court-a a inlan duh loh vangin thla 15 chhung tang tura hrem a ni.