Leeds United leh United States midfielder Brenden Aaronson chuan tun season a UEFA Champions League khel tur German club Union Berlin a zawm.
Union hian season tluan atan loan in Aaronson hi an hawh dawn a, a nghet a lei theihna erawh a awm lo.
Kum 22 mi hian Leeds hnenah hian kum li contract a la nei a, Red Bull Salzburg atang Pound maktaduai 25 in Leeds in an lalut a. Tun season liamta khan an tan vawi 40 inkhelin beisei angin che tha lo mahse tun season lo awm turah Europe a inelna lian berah a inkhel thei dawn.
Union managing director of men’s professional football Oliver Ruhnert chuan, “Brenden-a’n kan hnena lo kal a thlang hi kan lawm hle. Ani ang player hi kan neih loh a ni a, kan attacking football khelh duhdanah a pawimawh hle ang.” tiin a sawi.