Azl: Mizoram Pradesh Youth Congress Committee in nimin khan Lok Ayukta chairperson C Lalsawta hnenah Deputy Chief Minister Tawnluia enkawl department hnuaia cheng nuai 100 chuang ziah bo awm nia sawi chungchang chhui chiang tura ngenin FIR an theh lut.
An FIR theh luhah Congress |halai chuan, tun hnaia Mizoram Legislative Assembly Speaker Lalrinliana Sailo-in Maryland, USA a zin tum a Zofa awm te nena an inkawm khawm naah, Deputy Chief Minister Tawnluia department hnuaiah dik lo tak a cheng nuai 100 chuang hnathawh awm lova ziah ral a awm thu, kumin January 30, 2023 khan MNF Minister leh MLA zawng zawng te an in hmuhkhawm naah, Chief Minister Zoramthanga leh Deputy Chief Minister Tawnluia te thutdun laiin a hrilh thu leh department hnuaia thawk la naupang tak pakhat in a kut ngei a, JE pakhat awm laia hrehawm ti taka a ziah ral thu a hrilh tih a sawi a. He thil thleng hi tha a tih loh em avangin an department chan pawh en uluk tawh turin a hrilh hial niin a sawi tih an tar lang.
MPYCC chuan Assembly Speaker meuhin Deputy Chief Minister Tawnluia department chan hnuaia dik lo tak a, a hman na awm lo a cheng nuai 100 chuang ziahral a awm thu a sawi chu an ngai thu tak hle tih an sawi a. Mizoram sorkar sum cheng nuai 100 chuang lai, a hman na awm lova ziah ral chungchang chu chhuichhuah sak tur leh a tul anga hma laksak a, thil ti dik lotu chungah dan anga hremna lekkawh sak turin an ngen a ni.