Aizawl : PC party thalaiin ZO Re-Unification Organisation(ZORO)-in naktuka Manipur tualchhung buai tuartu zofate tawrhpuina leh thlavang hauhna leh nunna chân te sùnna hun an hman tur chu àwm an tih thu leh an thlawp thu an sawi.
“Manipur-a kan unau Zohnahthlakte chunga hleilenna rapthlak tak thleng hi tute emaw tih boral leh tihchimih-na tura ruahmanna fel tak siam sa, tihpuitlin tumna ah PC Thalaite chuan kan ngai a. Hnam leh Sakhaw tlem zawk abíkin Kristian te leh a Kohhrante tinzawn ràn a he hleilenna rapthlâk tak mai hi BJP leh a chekawi te hmalakna tak meuhah kan ngai nghet tlat bawk” an ti a. “A bikin Manipur Chief Minister Biren Singh leh Prime Minister Narendra Modi te kan demin, Zohnahthlakte leh Kristiante chunga zaidawhna an lantir vat a nih loh chuan PC Thalaite chu kan awm mai mai dawn lo a ni” an ti bawk.