Aizawl: Tunhnaia India- rama nurse chawimawina sang ber ‘National Florence Nightingale Award 2023’ dawngtu, C.Zopari chu niminah Health Minister Dr R Lalthangliana chuan a office-ah kawmin chawimawina thuziak leh tangkafai a hlan.
Health Minister Dr Thangtea chuan C.Zopari chawimawina dawn hian, mi dangte cho phur se a duh thu a sawi a, Mizo nurse-te chu an fel bakah an thiam bik nia a hriat thin thute, an hnathawhna hmun apiangah an taima in, damlo an duat thiam avangin an hming a tha a, fak an hlawh zel tiin, Nursing chu Mizoramin resource aneih that berte zing ami a nih avang hian Mizoram leh hnam hmingthatna tur pawhin an pawimawh hle tih a sawi.
He hunah hian Award dawngtu C. Ropari pawhin thu sawiin, Mizoram sorkarin an lawmpuina ah lawmthu a sawi a, thingtlang a ahun tam zawk athawh thu leh hmun hla, damdawi awm mumal lohna hmunah pawh a theih ang anga tan a lak thin dan te a sawi a, mahni hna chu, tui taka thawh chuan rin phak bakin rah tha an seng thin tih a sawi.
C.Zopari hian june ni 22 khan Rastrapati Bhavan, New Delhi-ah India- rama Nurse chawimawina sang ber National Florence Nightingale Award chu India President Pi Droupadi Murmu hnen atangin a dawng a ni.