Mizoram Football Association chuan zanin dar 8:30 hian All India Football Federation Footballer of the Year Lallianzuala Chhangte chawimawina hun a hmang dawn.
MFA in chawimawina hun a buatsaih tur hi HYVE Aizawl City Hall-ah buatsaih a ni dawn a. Zonet Zawlbuk leh Zonet YouTube channel-ah te en theih a ni ang.
Lallianzuala Chhangte hi AIFF Footballer of the Year-ah tun hnai khan thlan a ni a, hei mai bakah season hman zawh takah khan Indian football chawimawina ngaihhlut ber pakhat Indian Super League-ah player țha ber ‘Hero of the League-ah’ thlan a ni.
Hero Tri-Nation Series-ah India champion puiin’ Player of the Tournament-ah’ thlan a ni a, Football Players’ Association of India chuan Indian Player of the Year-ah thlan ni bawkin Indian football a season khat a chawimawina lian dawn theih a dawng kim vek a ni.