Wimbledon champion lai Novak Djokovic chuan seeded number seven nihna hauhtu Andrey Rublev lakah harsatna lian tawk lovin hnehna a chang a. Record dinglai tluk tura a Wimbledon title pariatna umzui in a kal zel.
Thawhlehni zana quarter-final inkhelah Djokovic hian set hloh hmasa mahse 4-6 6-1 6-4 6-3 in a khingpui hi a lehthal a. Margaret Court-i’n grand slam singles title vawi 24 a lak tawh chu tluk a tum bawk a, tun kartawpah a champion chuan a tluk chiah ang.
Kum 36 mi Djokovic hian naktuk zan hian Jannik Sinner nen semi-final an khel ang.
Champion lai nge nge
Seeded number two Djokovic hian grand slam inelna final a khelh vawi 46-na tur a ni a. Roger Federer-a’n record a siam chu a tluk chiah.
A zawna vawi li champion ni lai Djokovic hian hnehna a chan avangin All England Club-ah hian match 33 a zawnin a chak tawh tihna a ni a. Kum 2016 atangin a inkhelh zawh thak theihnaah Wimbledon-ah hian a la tlawm leh lova. Centre Court bikah a tlawm hnuhnun ber chu kum 203 final ah khan a ni.
A chak hnuin Djokovic erawhin statistics leh record a ngai pawimawh ber lo. “Number mai an ni. Tournament-ah hian hetiang hi ka ngaihtuah ngai lo. Hmabak la nei ka nih avangin ka khelh leh tur bak ka ngaihtuah lo. A harsa telh telh dawn tih ka hria a, mahse tunlai ka inkhelh danah ka lungawi hle.” tiin a sawi.
A khingpui tur Sinner hian Roman Safiullin 6-4 3-6 6-2 6-2 in a hneh a, nikum last 8-ah Djokovic hi a hneh teuh hman hle.