Thenzawl leh a chhehvel khua a thalaite inelna tur Thenzawl Futsal League 2023 chu Thawhlehni zan khan Thenzawl Vengchhak a Bawihpuia Futsal Ground-ah an hawng.
Thalaiten ruihhlo dona leh infiamna a hma an sawn theihna tura buatsaih inelna hi Thenzawl Zone Football Association President Liantluanga Renthlei chuan a hawng.
Thenzawl Futsal League hi infiammite hlut a hlawh viau a. Thenzawl khawchhung atangin team 18 telin Ramlaitui atangin team khat an tel.
Group pali ah inthenin point hmu sang pariat in quarter-final an khel dawn a. Final hi karlehah khelh a ni ang.
Champion team in Rs. 10,000 leh trophy an dawng anga, pahnihna in Rs. 5,000 dawngin mimal chawimawina a awm bawk ang.
Inelna hawngtu Liantluanga chuan Mizoram khawpui lian ni tura inbuatsaih mek Thenzawl leh a chhehvel khua ten hmasawnna chi hrang hrang an dawnte chu ilru zau tak pua, a tha zawnga dawnsawn thiam a tul tih a sawi
Thenzawl Futsal League hi Jersey ṭhuitu lar YUNIX Aizawl neitupa Lalnunpuia Pachuau chuan a sponsor.
Thenzawl-ah hian nikum chawhnu lam atang khan Futsal Ground an nei tan a, tun thlengin pahnih nei tawhin tournament hi mipa leh hmeichhe tan tum hnih ve ve buatsaih a ni tawh.