Hawihhawm takin I dil dan leh hmachhawn dan hian kawngro nasa takin a su a, mipate hian hnuaichhiah leh enhniam tumna a lo awmin an rilru a nâ hma hle a, an sa nghal phat thin. Chuvang tak chuan, ‘order’ ni lovin, ‘request’ na ni thei se, ‘Ang che’ emaw ‘rawh’ tih aiin, ‘Khawngaih takin’ emaw ‘Ang em’ tih hi hman hram zawk tur a ni.
Tanpui i ngaihna hrilh rawh Hma-ngaihna zinkawng zawh tan anih hian, hmeichhe tam zawk hi chuan bialpate tan an inphal thui hle a, engkim an huam tih mai tur a ni. Chutih laia fate an lo awm a, mawhphurhna a lo len tak deuh deuh laia mipate an la thu-thluang mai mai anih chuan a hahthlak tawp. A tha berah chuan, ding chunga sawi loh ni se. Hahdam taka thut laiin, tunhma ang anih tawh loh dante leh an nun-a danglamna neuh neuh lo thlen dan te sawi pui la, in pahniha inpawm tlan leh tul intih dun ang chi-a bul tan ni se, a hnu-a i thusawi te pawh a do bur dawn lova, hriatthiam tumna a nei zawk hlauh ang. Chu chu i tan a tha hle a ni.
Hlep hlang a ni ringawt Zirchianna atanga a lan danin, inchhung sek-rek khawih tam leh hetiang lama in hmangte hian an nupuite an tihhlim mai bakah an nupuite hian khumlai zawl thlengin an duh leh mamawh an phuhruk sak thiam hle tih a ni. Hei hian rilruhahna leh nguina mai bakah khawharna te thlengin a vai kiang a, ‘stress’ level pawh nasa takin a tih-niam. Hei hi Gottman Institute, Washington-a mithiam te hmuh chhuah a ni a, sawi buai thei an awm lo an ti hial.
Entawn tlak ni La tiraw Pasal te hmâah hian a khât tawka fate tana entawntlak ni tura ngenna siam thin hi a fuh hle a, inchhung leh a vel enkawlnaah rilru leh ngaihtuahna mai bakah a hun leh tha a sen thin hian fate tan entawn tur thil tha tak a hnut chhiat tihna a ni a, hetiang ang PA enkawlna hnuaia seilian te hi an taima deuh vek.
Lawmthu hrilh rawh Eirawngbawl leh insuk, In tihfai adt. te hi hmei-chhiate thawh tura ngaih a ni a, an kut ah dah a ni deuh tawp thin. ‘Hna’ ah pawh chhiar a ni meuh lova, an tih ngei ngei tura dah hi Mizo society-ah pawh hian a mikhual hauh lo. Chutih laiin, a puihna ah lawm thiam la, thinlung takin lawmthu hrilh thin ang che.