United States Men’s National team chuan CONCACAF Gold Cup final an khel pha lova. Semi-final ah Panama lakah penalty shootout ah an tlawm.
Mahni ram a final khelh tum USA hian Snapdragon Stadium a inkhelah hian hun pangngaiah goal an khung thei lo.
Extra-time ah Ivan Anderson hmangin Panama in goal an khung a. Hei hi Jesus Ferreira chuan USA tan a sut.
USA hi interim coach B.J. Callaghan hnuaia an tlawm hmasak ber a ni a, “2026 a kan inbuatsaihna atan zir tur tam tak a awm a, tun pawh hi kan inzirna tur pawimawh tak a ni.” tiin a sawi.
Semi-final dangah Mexico in 3-0 in Jamaica an hneh a. Champion tura rinkai an ni.
Kum 2019 champion tan hian Henry Martín, Luis Chávez leh Roberto Alvarado ten goal an khung.