Aizawl : Union Minister of State for Agriculture and Farmers’ Welfare Sushri Sobha Karandlaje chuan India ram chawikang tur chuan state zawng zawngte an intodelh a tul tih a sawi.
Nilainia College of Veterinary Sciences & Animal Husbandry, Central Agricultural University a Bio-safety Level-2 Laboratory leh Mushroom Spawn (seed) Production Unit hawngtu Sushri Sobha Karandlaje chuan, “India rama state tinte hi mahni intodelh a pawimawh a, state pakhat chauh intotelh a tawk lo va, India ram chawikang tur chuan state zawng zawngte kan intodelh a tul a ni,” a ti.
Union Minister chuan an thil tharchhuah an mamawh bak zawngte thawnchhuah dan tur te pawh Prime Minister-in nasa takin a buaipui thu leh, hemi atana thil pawimawh rel kawngte, motor kawng leh airport te tihchangtlun nan sorkarin nasa takin hma a la mek niin a sawi.
Union Minister hian Ministry of Agriculture hnuaia RKVY – RAFTAAR start-up fund mi pali hnenah 1st installment cheng 4,00,000 theuh a sem bawk. He hunah hian sorkar mi pawimawhte nen thing an phun nghal bawk.