Ultimate Fighting Championship a interim title challenger ni tawh Kevin Lee chuan mixed martial arts a chawlhsan thu a puang.
Kum 30 mi Lee hian 19-8 professional record a nei a, UFC bikah vawi 20 a inel.
“A tawi zawnga sawiin, MMA leh UFC chawlhsan turin thutlukna ka siam. Kum 12 lai a ni tawh a, kum 12 chhung fighter tha thei ang ber ni turin ka bei. Thawhrimna leh inpekna nen nasa takin ka bei a, ka thlirlet pawh hian career ropui tak ka nei tih ka hmu.” tiin Lee chuan a sawi.
Lee hian UFC-ah 9-2 record a neih hnuah Tony Ferguson nen interim lightweight title an inchuh a. Hemi hnuah hian vawi 8 a inlanah vawi li chak a nei. Kum 2021 khan UFC chhuahsan mahse kuminah a kir lehnghal a. July 1 khan Rinat Fakhretdinov nen an inhmachhawn chu a inlan tawp ber a ni.