BTS an inthendarh lailawk mek lai pawh hian group anga an huhang a na chhunzawm zel a, Indian tleirawl mi 8-10 vel te chu an zunzam phur zo lovin Damdawi In-ah dahluh an ni.
Ahmedabad Times tarlan danin, tleirawl te hi Shalby Hospital-ah enkawl mek an ni a, Doctor te sawi danin, BTS atchilh tak tak te an ni hlawm a, ni 10 liam ta vel atang khan an enkawl tawh tih an sawi.
An hun tam zawk chu BTS content en nan online-ah hun an hmang thin a, an ei angin an ei a, an inchei dan angin an inchei a, an khawsak dan angin an khawsa thin.
Report tarlan zel danin, nikhath darkar 8-10 vel chu BTS hla ngaihthlak nan hun hmangin, class 8 zirlai lai hmeichhe kum 14 mi phei chu BTS achilh uchuakin, chaw a ei tha thei tawh lova, a muhil thei lo.
Laptop leh phone-ah BTS music a buaipui deuh chawt a, darkar tam tak an hla ngaithla in, an khawvelah a cheng deuh chawt a ni.
A tir lamah, a nu leh pa, chhungte hian an ngaihsak hran lem lova, mahse a khawsak dan leh nunphung a lo danglam nasa tak hnu ah erawh en liam mai chi ah ngai lovin Damdawi In lam an panpui.
Bantan Boys tia hriatlar- RM, Jin, Suga, J-Hope, Jimin, Taehyung leh Jungkook te hian rimawi khawvel an al hneh.