Aizawl : Reiek RD block chhunga Mission Foundation Movement hmalakna Start-up Entrepreneurship Development Programme model project kalpui dan leh a hlawhtlinna documentary an siam chu nimin khan Chief Minister Zoramthanga’n a tlangzarh.
Sorkar thuchhuahin a tarlan danin, sorkar laipuia Ministry of Tribal Affairs-in kum 2019-2020 chhunga SCA to TSS scheme hnuaiah Start up Entrepreneurship Development Programme atan Social Welfare deptt. kaltlangin Rs. nuai 335 a sanction a. Mamit Dist (Aspirational District) huamchhunga Reiek RD block-a chhungkaw 300 (Existing entrepreneur 120 leh New entrepreneur 180) te tanpuina pek an ni.
Mission Foundation Movement chu Implementing agency niin, National rural livelihood mission, Ministry of Rural development hnuaia start up village entrepreneurship development programme kalpui tura rampum huapa empanelled list a thlan niin, Kolasib Dist-ah SVEP pro- ject an kalpui mek a. Mamit (Aspirational Dist) hnuaia kalpui tura DPR buatsaihin department kaltlangin central sorkarin a rawn pawm ta tih sorkar thuchhuah chuan a tarlang bawk.
Chief Minister Zoramthanga chuan Mission Foundation Move- ment hmalakna fakin, mahni kutkawiha eizawn kawnga hmasawnna th- len tura thehnemngai taka hmalak chu pawimawh a tih thu a sawi.
“Kuthnathawh chu eizawnna hlawhtling a nih theih zia chiang mah ila ram pum hmasawnna tur atan chuan hman atanga tih phunga lo neih tawh te kalsan a tul thin” tiin, Chief Minister chu- an “tharchhuah a lo tam zawkna tura a remchan- na apianga khawl tha hman te, man man zaw- ka thil tharte hralh a nih theih na tura phurh man (transport cost) a hniam theih nan kalkawng siam belh a siamthat te, hlawk zawka tharchhuahte hr- alh theih nan sawngbawl (processing) hmasak phawt leh a dangte chu ngaihtuah tel vek a tul” a ti a. Chutiang atan chuan sorkarin hma pawh a lak thu a sawi.
Chief Minister chuan “Mizoram hmasawnna atan kan rama kan neih sa, a awm sa hi hmang tangkaia kan haichhuaha, remhriatna, taimakna leh tumruhna nen ram hmasawnna hna chu tihlawh- tlin theih a ni” a ti bawk.