Coventry City striker Viktor Gyokeres chuan hun engemaw chen atanga sawizawm a lo nih tawh Portuguese club Sporting Lisbon a zawm fel.
Gyokeres hian kum nga contract ziakin a man zat hi puanzar ni lo mahse Pound maktaduai 20 vel niin British media chuan an tarlang a. Coventry City player hralh manto ber a ni tih a club hian an sawi.
Kum 25 mi Swedish striker hian Coventry hnenah kum khat contract la nei mahse chhuah a thlang.
Kum 2017 khan kuim 19 mi niin Brighton & Hove Albion in an lalut a, an hnenah first team tan inkhel mang lovin loan in chhuahtir a ni thin.
Kum 2021 khan Coventry hian loan a hawhin season tawpah an lei nghet nghal a. An tan hian inelna hrang hrangah goal 44 a khung tawh a ni.