Mahni mual muala tla hrang tura an inthen hnu ah court thubuai hmanga inumzui zel Angelina Jolie leh Brad Pitt te chuan French winery thubuai hmanga an inkhinbuaina kal zelah Court-in Jolie lam a hawi.
An pahniha an inlei tawm Chateau Miraval winery hi 2008 khan an nupain $Maktaduai 28.3 in an lei a, hemi hnu hian company interest hi tu hnenah mah hralh lo turin thu an thlung.
Amaherawhchu, Jolie hian a share neih hi French estate lian, Stoli hnenah a hralh ta mai a, hei hi an nupa inthen hnu ah niin, Brad lungawi lo chuan a nupui hlui lakah thubuai a siam ta a ni.
Jolie leh Brad te nupa hi 2003 khan, ‘Mr and Mrs Smith’ film an chandun laia inngaina chhoin, thla thum an awmdun hnu ah fatir an pai tih khawvel an hriattir a, Brad hi a nupui hlui Jennifer Aniston a then fel zui bawk.
Kum 2014 khan Chateau Miravel, France-ah an innei a, an fa paruk te nen an puithu hle.
Hun a lo kal zel a, Jolie chuan awmdun thei an ni tawh lo tiin, 2016 khan court-ah inthen phalna a dil ta a ni.