Asia khawmualpuiin fur an tawrh nat mek laiin Europe chhim lam chu khaw lum uchuak takin a tuam ve mek.
Italy, Spain leh Greece ramte hian ni eng emaw chhung khaw lum uchuak tak an lo tuar tawh.
Italian health ministry chuan Rome, Bologna leh Florence khawpui telin khawpui 16 zetah kartawp khan red alert a puang.
Italian chanchinbute chuan Sardinia-ah chuan tun kar chhung hian 48°C zet a kai thei dawn niin an tar lang.
Europe-ah hian khaw lum ber tum chhinchhiah chu Sicily-a August, 2021 kha niin 48.8°C a ni a, hei hi a la phak lo hret.
Italian weather service chuan tun kar chhunga khaw lum hi Sardinia-ah a nasa ber dawn niin an sawi.