Japanese passport chuan ram 193 ah harsatna chhete mah awm lovin a tlang zal zal theih vangin khawvela passport thiltithei pera puan a ni a; Singapore leh South Korea-in pahnihna an intawm bawk.
Passport thiltithei ranking thar berah Singapore leh South Korea te hian ram 192-ah visa-free in an kal thei a, Germany leh Spain-in pathumna nih intawmin ram 190-ah an tlang thei. A lera Asian ram an langsar ta vang mai hi thil lawmawm tak a tling a, tunhma atang tawha US leh Euoprean ram te’n ro relna fawng kum tam an chelh hnu-Asian ram te an rawn lawr chho tan hi thil chhinchhiahtlak taka tling a, thu ngaihthlak nuam a ni bawk.
US leh UK passport pawhin an dinhnmun siamtha hretin parukna leh pasarihnaah an inhlangkai.
Hetih lai hian India passport pawhin COVID hripui len hnu lamah huhang a ngah chho hret hret a, hripui len hmaa harsa lo taka an zin luh theihna ram te’n ban phar meuhin awlsam takin an la mikhual thei reng a ni.
Ranking ah chuan India hi 87-naaah awmin, Bhutan, Nepal, Indonesia leh Macau tiamin ram 60 velah visa-free in an lut thei.
Hripui leng vanga kum hnih dawn khawvel inkharpkhip hnu ah zawi zawiin a inhawng chho leh hret hret ta a, hmun tin ram tina khualzin leh veivak an pung deuh deuh a; ram hrang hrangte’n fimkhur takin ramri te hawngin mikhual an thleng mek.
India pawhin hripui leng thar leh mek karah inkharkhip reng thei bik a ni lo, tih hriain, international flights te pawh an lut chhuak zung zung tawh a, kum hnih chhungzet passport thiltithei leh huhang ngah zingah India passport hi langsar vuh lem lo mah se, a thenawm ram leh chhehvelah erawh thawm a nei lian reng tho a ni.