WhatsApp chuan May leh June thlaah ringawt khan an dan zam zawm lo Indian account maktaduai hnih chuang an dan (block)-sak tih a puang.
Service chuan heng account block-sak zinga 95% hi chu India rama an danin a phalsak aia tam message ngai thawn chhawng (forward)-tute an nih thu a puang bawk.
India rama IT rules sawisel hlawh tak hnuaia thla tina an report an thehluh tur an thehluh hmasak ber chu WhatsApp hian sorkarah an thehlut.
India hi WhatsApp hmangtu tam berna ram niin mi maktaduai 400 chuangin an hmang.
Facebook enkawl messaging service hian an tum ber chu tuin emaw mi tina thei leh messgae tul lo a thawn laka India venhim a nih thu an sawi.
Advanced machine learning technology hmangin WhatsApp hian thla tin khawvel pumah account maktaduai riat vel zet an block thin.
“May 15 leh June 15 inkar khan India-a account maktaduai hnih chuang chu dan pangngai piah lama tam message an thawn avangin block a ni,” an ti.
Service hian Indian account hi awlsam takin +91 (country code) phone number hmanga hriat theih a nih thu an sawi.
WhatsApp hian thu dik lo leh chanchin thar dik lo thehdarh tihtawp tuma theihtawp an chhuah reng thu a sawi bawk.
Chanchinthar dik lo (fake news) leh hoax an tihte hi WhatsApp hmangtu sang telin darkar reilo te chhung pawhin an forward hman avangin a zavaia danchah hmak chu a harsa hle.
India-ah hian message leh video thawn darh chiam chiam thin chuan mipuiin haw haw-a thil an nawr phah fo va, tharum thawhna leh thihna hial pawh a lo thlen phah tawh thin.
WhatsApp hian sorkara report an thehluhah a hian a hmangtuten an hman sual lohna tura venna tha tak an dah bawk thu an sawi.
A hmangtute atangin ‘behavioural signal’ pe chhuakin profile leh group photo atang pawhin an dan zam bawhchhia an hre thei niin an insawi.