World Health Organization (WHO) hotupa chuan China chu WHO-in a thawh hnih nana Covid-19 darh tan dan a chhui tur chu thawhpui tha turin a ti.
Dr Tedros Adhanom Ghebreyesus chuan biak nuam leh langtlang taka thil ti turin a ngen.
WHO hian a chhuina hmasa chu February thla khan a lo zo tawh.
Chhuina hmasaah hian Wuhan, China-a laboratory atanga darh tan a nih a rinawm loh thu an sawi tawh.
Ningania Geneva-a thuthar lakhawmtute a kawmnaah Dr Tedros chuan WHO hian hri a len hma leh len hnua damlote dinhmun dik tak hriat a mamawh tih a sawi.
China hian chhuina hmasaah khan WHO team hnenah hian a pe duh lo niin a sawi bawk.
Hri len tanna, Wuhan-a laboratory chungchang pawh chiang taka sawi tura tiin, medical professional a nih angin tihsual palh (accident) chu thleng thei a nih thu a sawi.
Hetianga Tedros-an a sawi ta hi WHO hian Covid-19 hi lab atanga put nia rinna an la nei nia ngaih phah a ni.