BJP chuan Thawhtanni khan Delhi-a Thawhlehnia National Democratic Alliance (NDA) meet an neih turah party 38 an tel dawn tih an sawi.
BJP hian Thawhtannia eptu party 26-te Bengaluru-a an thutkhawm tukah chiah an thawhpuite nena thutkhawm hi a ko ve a ni.
Kum 2024 inthlan atan kum khat pawh a awm tawh lo va, Prime Minister Narendra Modi chu rorel laiten an vauchher leh tur anga a lan mek laiin eptuten paih thlak ngei tumin an bei mek a. Beihpui thlak dan tur leh hma an lakho dan tur an sawiho mek zel.
BJP chief JP Nadda chuan thuthar lakhawmtute hnenah NDA thlen chin leh huam chin chu kum eng emaw zat chhungin a zau mek zel tih a sawi.
BJP chief hian Modi-a kaihhruai sorkarin scheme leh policy a duan hrang hrangten rah tha chhuahin a tha zawngin nghawng tha tak a nei niin a sawi bawk.
NDA thutkhawmah hian tun hnaia an dawrnaa BJP thawhpui atana inpe tharte pawh an tel ngei rin a ni a. Rorelna fawng an chelh mek chu chelh chhunzawm leh tura hma thar lak zel dan tur an dap dawn a ni.
Kartawpah khan Suheldev Bharatiya Samaj Party chief OP Rajbhar chuan NDA a zawm dawn tih a sawi a. Kum 2019 khan NDA atangin a lo chhuak tawh a, amah hi Uttar Pradesh khawchhak lama hnam hnuaihnungte zinga tla na tak niin a chhuahsan hnuah BJP sawiseltu langsar tak a ni zui nghe nghe.
Bihar atangin hnam hnuaihnung hruaitu dang, union minister hlui leh hnam hnuaihnung hruaitu langsar tak thin, Ram Vilas Paswan-a fapa, Chirag Paswan pawh NDA meeting-a tel tur hian Nadda chuan a sawi bawk.