Italian rawltharten 2023 UEFA European Under-19 Championship final-ah hnehna an chang a. Portugal lakah 1-0 a chakin Euro Under 19-ah an champion.
Pathianni zana Malta a National Stadium, Ta’ Qali a final inkhelah hian Azzurrini tan Fiorentina rawlthar Michael Kayode chuan goal awmchhun a khung a. Minute 19-naah Luis Hasa in veilam sir atanga a ball cross chu a tauh lut.
Juventus midfielder Hasa hian an goal hnihna khung teuh viau mahse Portugal goalkeeper Antonio Ribeiro chuan save tha a siam.
First half-ah Azzurrini an chungnung a, Francesco Pio Esposito leh Emanuel Vignato te pawhin goal an khung teuh. Second half-ah an hmahruaina humhim turin an khel nghet tha hle.
Italy hi Euro Under-19 a vawi hnih an champion na a ni a. Final a an hneh Portugal hian group stage-ah 5-1 in an lo hneh tawh thung.
Spain striker Victor Barbera chu chu top scorer niin goal li a khung.