Brazilian winger Willian chuan London club Fulham hnenah kum khat contract a ziah belh.
Kum 34 mi ni tawh hian tun nipui khan Fulham a contract a neih hi a hmang zova, Nottingham Forest nen tunhnaiah inbiakna neiin a insawn dawn niin a lang hman.
Mahse a club ngaiah awm thlang ta zawkin contract thar a ziah belh a ni.
Season liamta khan Premier League-ah match 27 khelin goal nga a khung a, midang khung tur vawi ruk a siamsak.
Kum 2022 August khan free transfer in Fulham hi a zawm a, “He club-ah hian ka hlim a, nikum a kan hnathawh tawhte ka chhunzawm thei tur hi ka lawm. He club hian tun season-ah nasa takin hma a sawn thei tih ka hria.” tiin a sawi.