Aizawl: Mizoram Rural Bank (MRB) chuan kum khat chhung atan Ngawr natna vei mek mi 102-te chaw tha leina tur sum an tumsak dawn.
MRB Chairman Sheryl L Vanchhong chuan nimin khan TB damlote thlawpna tur sum Rs 7,34,400 cheque chu State TB Officer Dr. Vanlalfela hnenah a hlan a, MRB hian TB damlote tan kum khat chhung atan an donate dawn a ni.
Mizoram Synod chuan TB damlo 10 te kum khat chhung atan a support mek bawk a. Heng bakah hian Dr. Laxmi Narayan Rathore Dept. of Clinical Psychology MZU chuan TB damlo 50 a support mek a. Dr. Senthil Kumar HOD, Dept. of Biotechnology leh ICFAI university te chuan TB damlo 10 an support mek bawk.
TB damlo te support theih danah hian thlakhat atan Rs. 700 a support theih a ni a. A reilo berah thla 6 thleng support theih a ni. Rs 700 hmang hian Food basket siamsakin TB damlote hi pek thin a ni.