Aizawl : Nehru Yuva Kendra (NYK), Champhai-in nimin khan Govt. Khawzawl College-ah ‘Yuva Utsav Khawzawl District Level Youth Festival’ an buatsaih a. Mizoram Youth Commission Chairman Dr. Vanlaltanpuia’n a hmanpui.
MYC Chairman chuan thalaite chu khawvel siamthatu tur an nih thu sawiin, nun uluka, invawnga, tumruhna nena hun an hman a tul thu a sawi a. Thalaite chu ram hmasawnna thlentu an nih ngei theih nan an tum tisanga, an hriatna tizau turin a chah.
India ramah hnathawk theilo aiin thalai hnathawk thei an tam zawk thu sawiin, he hun tha chhawr tangkai tur hian sorkar pawh a inher rem mek zel niin a sawi a. A tha zawnga thiamna leh theihna hman a nih chuan hmasawnna a hla lo niin a sawi.
MYC Chairman chuan Mizoramin zirna kawngah hmasawn a mamawh takzet nia saiwin, Mizo thalai ten UPSC Civil Service exam an paltlang ngei theihna tura MYC hmalakna te a sawi a. Mizoram sorkar hmalakna chuan rah tha a chhuah ngei a beisei thu a sawi bawk.