NBA team ten season intan hma a an player naupang zawkte leh tawnhriat la nei tam lote an enchhinna ni fo thin NBA Summer League final khelh a ni a. Cleveland Cavaliers in Houston Rockets an hneh.
Las Vegas-ah kumin NBA 2K24 Summer League Championship hi khelh a ni a. Cavaliers hian kum 2013 a Summer League hi tournament anga kalpui a nih hnua a vawikhatna atan an champion a. Rockets hi 99-78 in an hneh.
Tunhnaia NBA a team naupang leh beiseiawm tak nei Cavaliers tan kum 23 mi forward Isaiah Mobley chu a che tha a, point 28 leh rebound 11 la in final a Most Valuable Player a thlan a ni.
Sam Merrill aleh Emoni Bates ten point 27 leh 19 an score a. Merrill hian 3 poinst vawi 12 a shoot atangin vawi ruk a lut.
Houston hi tun tournament-ah hian vawi ruk inkhelin vawi nga an chak a. An tan Nate Hinton chuan point 18 leh rebound 10 neiin tun tournament a Most Valuable Player a thlan Cam Whitmore chuan point 14 a nei bawk.