Gabon striker Pierre-Emerick Aubameyang chuan Chelsea a contract a neihlai a titawp anga, French club Olympique Marseille chu free transfer in a zawm dawn.
Aubameyang hian Ligue 1 club hnenah hian kum thum contract ziak turin inbiakremna an nei tawh.
Kum 34 mi hian nikum September thla a Chelsea a zawm hnuah beisei angin a che tha lova. Match 21 khelin goal thum chiah a khung.
A insawnna hi tihfel a nih chuan kum 10 hnuah Ligue 1-ah a kir dawn tihna a ni a. Kum 2011 atanga 2013 chhung khan Saint-Etienne tan a lo inkhel tawh.
Chelsea hian tun nipuiah an squad siksawi nasa hle in player an ngah avangin chhuahtir an nei hnem a. Aubameyang hi player an chhuahtir 13-na a ni ang.
Argentina coach Mauricio Pochettino chuan striker Romelu Lukaku pawh a chhuahtir dawn niin a lang bawk.
African Footballer of the Year a thlan tawh Aubameyang hian AC Milan atanga bul a tan hnuah France-ah a hming chherin loan in a chhuak a. Saint-Etienne a ngheta a zawm hnuah an tan vawi 97 inkhelin goal 41 a khung.
Hemi hnu hian Borussia Dortmund, Arsenal lehBarcelona tan te pawh a khel zui a ni.