La Liga champion Barcelona chuan an midfield tichak turin Southampton midfielder hlui Oriol Romeu chu Girona atangin an lalut.
Kum 31 mi Romeu hi Barcelona academy lar tak La Masia chhuak a ni a, an hnenah kum thum contract a ziak.
Barcelona hian an player hlui an lak letna man zat hi puanzar a ni lova, nimahsela chanchinbu thenkhatin Euro maktaduai 8 vel niin an sawi.
Senior team tan kum 2010-11 season khan vawi hnih chiah a inkhel hman.
Romeu hian a contract-ah Euro maktaduai 400 a leichhuah theihna a nei a. Blaugrana tan hian Sergio Busquets-a hmunruak hnawhtu zinga mi nih a tum dawn.
Tun season liamta khan Girona tan vawi 33 inkhelin Catalan club hi La Liga-ah 10-na an nihna kawngah a pawimawh hle.
Barcelona chherchhuah Romeu hian kum 2011 khan Pound maktaduai 4.35 in Chelsea a zawm a. Stamford Bridge-ah hian hmun nghet inkhuar thei lovin season hnih chhungin vawi 33 a inkhel a. Valencia leh VfB Stuttgart -ah te loan in a khel bawk.
Kum 2015 khan Saints in Pound maktaduai 5 a leiin an tan vawi 256 a inkhel a. Nikum September khan Girona hi a zawm a ni.