Iran chhimtlang lamah tui hmuh loh vanga lungawi lohna lantirtu pahnih chu a kahhlum a ni.
Khuzestan province-a thuneitute chuan nawrhna lantirna hmuna tel thi hi an ruala telve silai hmehpuahah an vanduai ta niin an sawi.
Eptu lamte erawh chuan venhimna hna thawktu sipaite tihah an puh thung.
Iran hian tun hnaiah khawkheng nasa tak an tuar a, tui leh kawlphetha an hmuh that loh vangin mipui tam takin lungawi lohna nasa tak an lantir mek.
Chhiat tawhna hi Shedegan khua a ni a, thi thlalak hi social media lamah an thehdarh nasa hle.
“Mipui punkhawmnaah hian pawikhawihna tichhuak châkhovin silai an hmet puak a, vanduaithlak takin helai hmuna tel ve fuhin an thi,” tiin governor nihna chelh lailawktu, Omid Sabripour chuan a sawi.
Thite hi Arab hnam tlem zawk zinga mi an ni a, Iraq nena an inrina hnaih lama khaw awm Khuzestan-a mi an ni.
Rampawna eptu lam chanchinbute chuan thihna hi venhim hna thawktute tihah an puh a, mipui pungkhawm hi silaiin an pawng kah niin an sawi.
Iran thuneitute chuan lungawi lohna lantirna hi an ramah a thleng mang lo nia an phat laiin tuialhthei hmanga hausa khua leh khawpui hrang hrangah nawrhna hi an lantir.