Ultimate Fighting Championship chuan middleweight huanga bout nghahhlelh hlawh tak chu a tak ramah a thlen tir dawn niin a lang a. UFC 294-ah Paulo Costa leh Khamzat Chimaev te intum theihna turin hma an la mek.
Middleweight title chuh tawh Costa hian Chimaev nen an inhmachhawnna tura contract hi a ziak tawh a. Hetihlai hian Chimaev hian inremna hi a la ziak ve lo niin an sawi.
UFC 294 hi October ni 22-ah Abu Dhabi a neih tura tih a ni a. He middleweight bout hian title inchuhna kawngah awmzia nei pha tura ngaih a ni.
Welterweight huanga inel thin, 170 pound huang thunun viautu Chimaev hi middleweight-ah a chho leh dawn niin a lang a. 185 pound huangah hian vawi li inel tawhin hnehna a la chang vek a. Kum 2020 September a Gerald Meerschaert a hneh hnuah a la inel leh lo.
Nikum a UFC 279 a Kevin Holland a hneh hnuah cage chhung a la lut leh lova, Nate Diaz nen inhmachhawn tura tih nimahsela weight cut-ah harsatna nasa tak a tawh avangin a inlan thei lo.