Aizawl : Home Minister Lalchamliana’n Nilaini khan Lawngtlai district Thingkaha 3rd IR Battalion Headquarters a tlawh a. 3rd IR te chu police battalion ṭha tak tia a hriat ṭhin an nih thu a sawi.
3rd IR chu Assam-a an awm lai pawha an thil ṭha tih leh hna thawh hmanga police leh Mizote tihmingṭhatu an nih avanga a chhuan thu Home Minister chuan a sawi a. Tunah Mizoram chhunga an awm hnu ah pawh an battalion hmingṭhatna chu chhawmnung zel turin a chah.
Tun sorkarah uniform, silai leh an mamawh hrang hrang chungchangah police te a ṭha thei ang bera thuam tura hma an lak thu sawiin, a hlawhtlinna pawh hmuh theiha a awm thu sawiin, lawmawm a tih thu Home Minister chuan a sawi a
Police indaihlohna nasa tak phuhruk tura hna lak tum a nih mek laia Mizoramin COVID-19 leh harsatna dang a hmachhawn avanga hna lak theih a ni ta lo pawi a tih thu sawiin, sum harsatna kar- ah sorkarin theihtawpin police te mamawh ngaihtuah zel a tum thu a sawi. .