Hmeichhe football khawmpui lian 2023 Fifa Women’s World Cup chu Ningani atang khan khelh tan a ni a. Tan ni ah a thlengtu New Zealand leh Australia ten hnehna an chang.
Auckland a inkhel hmasa berah Football Ferns tia hminglem an vuah New Zealand in beisei loh result an hlawhchhuak a. 1-0 in team tha Norway an hneh.
Eden Park a mi 42,137 hma a inkhelah hian Hannah Wilkinson chuan minute 48-naah goal a khung a. Minute 89-naah New Zealand hian penalty hmu in Ria Percival chuan khung lo mahse an chak tho.
Khawvel hmeichhe football a star lar Ada Hegerberg leh Frida Maanum te kawltu Norway in New Zealand lakah chhanletna tur an nei lo.
Inkhel hnuhnung zawkah Australia in a vawikhatna atana World Cup khel Republic of Ireland chu 1-0 in an hneh.
Matildas tan hian captain Steph Catley chuan second half-ah penalty a khung a. Catley in an captain leh forward rinrawl Sam Kerr inkhelh hma a a intihnat avanga captain mawhphurhna latu a ni.
Australia hian karleh Nilaini ah Nigeria an hmachhawn leh ang.