Liverpool chuan an captain Jordan Henderson chu Saudi Arabian club Al-Ettifaq hnena hralh turin Pound maktaduai 12 in inremna an nei.
Henderson hian Liverpool in Germany a training camp an neih mekah hun hmang ve mahse Karlsruher nen friendly an khelh tumin a inlan ve lo.
Kum 33 mi hian Anfield-ah kum hnih contract a la nei a. Al-Ettifaq-ah hian Liverpool captain hlui Steven Gerrard chu manager atan tunhnaiah khan lakluh a ni.
Liverpool in tun nipuiah an player Saudi lama an kaltir pahnihna a ni dawn a. Kar hmasa khan midfielder Fabinho chu Al-Ittihad hnenah Pound maktaduai 40 a hralh turin inremna an nei tawh.
Anni pahnih bakah hian striker Roberto Firmino chuan contract a hman zawha club a chhuahsan hnuah Al-Ahli a zawm tawh.