Meghalaya Chief Minister Conrad K Sangma chuan an thenawm, Assam nena inrinaa rei tak buaina lo awm tawh leh state pahnih inkar thil dangte chu Assam chief minister nen an sawi dun dawn thu a puang.
Assam chief minister hian Pathianni khan Zirtawpnia Union Home Minister Amit Shah-an Shillong a tlawh hunah pawh ramria inrem lohna awm hi sawi dun a duh tih a sawi bawk.
Sangma hian Assam leh Meghalaya hian ramria buaina awm chu lehlam lehlam lungawi tlan theihna turin, inrem taka sawiho an duh ve ve niin a sawi bawk.
Meghalaya sorkar chuan hmun 12-a buaina an neih chu a ngaihven reng tih pawh chief minister hian a sawi a, Zirtawpnia an inkawmna neih turah pawh hian an sawi dawn tih a sawi.
Zirtawpnia an inkawm tur hi informal a ni dawn a, hemi hnuah hian an Guwahati-ah official-in an inbe zui dawn a, a hun tur erawh a la sawi thei lo.