Aizawl : Mizoram Pradesh Mahila Congress chu nimina an President Vanlalawmpuii Chawngtu hoa an pisa-a thukhawm chuan, Manipur buaina kal zela Zohnahthlak nula pahnih tenawm leh rapthlak thei ang bera an nghaisa chuan an rilru a tihnat thu an sawi.
Vanlalawmpuii Chawngthu chuan, “Manipur a Zohnahtlak nual pahnih saruak a kawngzawh pui an ni leh mualpho taka pawngsual rawn an ni hi engti kawng zawng mah a hriat thiam theih a ni lo a. He thil ti tu te lakah hian na taka action lak kan phut a ni,” a ti.
Central-a BJP sorkar leh Manipur BJP sorkar hnuaiah hian hmeichhia te kan him loh zia he thil thleng hian a tarlang chiang hle a ni tiin Vanlalawmpuii chuan, “Manipur a thil thleng mek hian BJP rorelna hnuaia Zohnathlak te kan him loh zia a ti lang chiang hle a. Chuvangin, kan tu leh fa te, kawvel lo awm zel tur te leh kan sakhua kan ram leh kan hnam a him theih nan te, BJP rorelna hi kan dodal a a ngai a ni,” tiin, Mizote sahimna atan BJP leh a thawhpui te hi hnawl ngei ngei a ngai niin a sawi.
Mahila Congress President chuan, Mizoram Chief Minister Zoramthanga kaihhruai MNF sorkar pawh, National Democratic Alliance (NDA) a tel an nih angin, na taka aw chhuah tura an phut thu a sawi bawk.
Mizoram Pradesh Mahila Congress Committee thukhawm hi MPMCC Treasurer Zodingpui’n a kai hruai a ni.