Aizawl: Aam Aadmi Party, Mizoram chuan Manipur-a buaina a chhuah chhan chu BJP vang a ni tih sawiin, BJP thawhpui leh inzawmna nei party-te chu inhnukdawk turin an ngen.
Nimina Aizawl Press Club-a chanchinbumite an kawmnaah AAP Mizoram State President Andrew Lalremkima chuan Manipur-ah Kristiante nasa taka nekchepa an awm mek lai te, biak inte hala mi tam tak an thih laia MNF party-te BJP kaihhruaina hnuaia meeting-a an la tel chu hriatthiam har an tih thu a sawi.
BJP Mizoram Mizoram vice president pawh a bân hial tawh laia central BJP lo intlawnsiak party an awm chu mak an tih thu leh Mizo Kristiante tih loh tawp turah an ngai tih a sawi a, Mizorama party thenkhat chu BJP an thawhpuina leh an zawmnate titawp turin an ngen tih a sawi a ni.