Aizawl : 2nd North East Cricket Development Committee (NE- CDC) Achiever’s Nite chu Cricket Association of Mizoram-in kar kalta Zirtawpni zan kan Aijal Club-ah a buatsaih a, Chief Minister Zoramthanga a telpui.
Chief Minister chu- an, “Islamabad-a kan awm laiin Cricket hi kan lo khel ve tawh a, kum tam tak hnuah vawiinah Cricket zara Northeast state hrang hrangte kan inhmukhawm hi a ropu- iin a hlu ka ti hle” a ti a. Mizote tan Cricket chu infiamna thar lam tak a la nihna chen a awm thu sawiin, tunhnaiah hmasawnna tam tak a awm chhoh thu leh Suaka Cricket Ground te pawh changtlung taka buatsaih a nih ve tak thu a sawi.
Zoramthanga chuan “Cricket infiamna hi India ramah a lian hle tih kan hre vek a, he infiamna ropui tak huangah hian keini North East states te pawhin hma kan sawn ve zel a pawimawh a, hmasa- wn tura kan tanrual thiam pawh a ngai” a ti a. “Keinin hma kan sawn hian India kan timawi zual tihna a ni a, sang takah kan awm ve thei a ni tih hre reng ang u”, a ti bawk.
Cricket Association of Mizoram President Lalrochhuanga Pachu- au-in palaite lawmna thu a sawi a. Counci- lor, BCCI Mamon Majumdar leh Co-Conve- ner, NECDC, President, Meghalaya Cri- cket Association ni bawk Nababratta Bhattacharjee te pawhin thu an sawi.
2nd NECDC Achi- ever’s Nite ah hian Northeast India huam chhunga age category – Under 15, Under 16 leh Under 19 Players tha thlan chhuah mipa leh hmeichhia te hnenah Best Batter, Best Bowler leh Best Wi- cket Keeper lawmman te hlan a ni a. Men’s Under 25, Men Senior leh Senior Women hu- angah pawh sem niin, Special Awards pahnih Emerging Player of the season leh Player of the season (Men’s Senior) sem a ni. Law- mman dawngtu zingah Mizoram player pahnih Johan Lalbiakki- ma, Ramhlun Venglai Cricket Club, Under 16 Boys Best Bowler Award dawngtu leh Thelma Laldinthari, Ainawn Veng, Under 19 Women’s Best Bo- wler dawngtute an tel.
2nd NECDC Achi- ever’s Nite rual hian 8th NECDC Conclave neih nghal a ni a, Aru- nachal Pradesh, Sik- kim, Manipur, Meghalaya leh Nagaland Cri- cket Association aiaw- hte an tel a ni.