Aizawl : Law & Judicial Minister T.J. Lalnuntluanga’n Union Minister of State, Law and Justice Ministry changtu Arjun Ram Meghwal hmuin, Mizoram mamawh leh tul hrang hrang te a thlen.
T.J. Lalnuntluanga chuan Mizorama Court infrastructure tihchangtlung dan tur chungchang sawipuiin, Mizoramin litigation lama hmasawnna nasa tak a neih thu leh Court changtlung tha a mamawh thu a hrilh a. Fund awm ang angte pawh Court tihchangtlun kawnga state-in bul a tan lai a nih avangin a mamawh tam deuh thu a hrilh.
Law Minister chuan Union Minister of State, Law and Justice Ministry changtu Arjun Ram Meghwal changtu chu Lunglei leh District thar pa 3 tana court building sak thuai a nih theih na tura fund pechhuak thuai turin a ngen a. Champhai Judicial District Court building sak tur, Guwahati High Court pawhin Court building drawing a pawmpui vek tawh chu sak tan thuai a nih theih nan CSS for Development of Infrastructure Facilities for the Judiciary hnuaia fund pechhuak thuai turin a ngen bawk.