Kumina Bollywood film tihchhuah tawha hlawhtling ber zing ami ni turin ‘Rocky Aur Rani Kii Prem Kahaani’ a dingchhuak.
Ranveer Singh leh Alia Bhatt te channa film hian tlai khaw hnu deuha mipui a kokhawm hnem hle a, tlangzarh atanga karhnih chhungin Karan Johoa filam siam hian cheng vaibelchhe 100 a khum ta.
Heti hian kumina Hindi film, cheng vaibelchhe 100 chuang khum thei film parukna a ni ta a. Shah Rukh Khan, ‘Pathaan’, Ranbik Kapoor, ‘Tu Jhooti Main Makkaar’, Adah Sharma, ‘The Kerala Story’, Prabhas, ‘Adipurush’ leh Salman Khan, ‘Kisi Ka Bhai Kisi Ki Jaan’ te an ni.
Karan Johar tan a lawmawm lehzual a, kum sarih chuangzet thawm a neih tawh loh hnu-ah box office lama sawi hat hat tling a rawn luhpui ta chiah bawk.
‘Rocky Aur Rani Kii Prem Kahaani’ film hi a tir lamah chuan ngaihven a hlawh lem lo na a, a en tawhte inhrilh chhawn zelna atangin a hit chho ta a ni ber.