Larsap Dr Hari Babu Kambhampati chuan kumin October 2-a India Hnampa Mahatma Gandhi pian champha pualin handloom, handicarft leh tual chhung kut hnathawktute thil siam dangte tihlarna tur atan fair emaw, exhibition emaw buatsaih dan tur nimin khan Commerce & Industries department hotute a sawipui.
Raj Bhavan-a an inkawmnaah larsap chuan state economy tana handloom, handicrafts leh cottage industry dangte a pawimawh thu a sawi a. Heng kutchhuakte hian Gandhi-a nen inzawmna nghet tak an nei tih a sawi a. India Hnam Pa piancham pha phakah hian handloom leh handicraft fair buatsaih chu thil tih awm tak a nih thu a sawi.
Exhibition neihna atan hian larsap chuan Raj Bhavan a rawt a, kuthnathawktu leh tual chhung sumdawng mite chu he hunah hian an thil siam zuar a, phochhuah turin a sawm a. Hemi pual hian Raj Bhavan pawh mipui tan hawn a nih tur thu a sawi bawk.