Brazil forward Neymar, 31, chuan Paris Saint-Germain hnenah tun nipui a chhuah a duh thu a hriattir a, Barcelona a kir leh a duh. (L’Equipe)
Bayern Munich chuan Tottenham atang kum 30 mi England striker lalut turin a vawi li nan Spurs hi dawr an tum a, Pound maktaduai 86 a lei an dilna chu hnawl a lo ni tawh. (Times)
Portugal midfielder Bernardo Silva, 28, chuan Manchester City hnenah contract ziah belh a hnaih a, nimahsela Barcelona hmalakna ngaichangin a ni engemaw zat a nghak phawt dawn. (Mundo Deportivo)
Arsenal chuan Brentford a kum khat contract nei tling tawh lo kum 27 mi Spanish keeper David Raya lakluh fel an hnaih. (The Guardian)
Liverpool in Southampton hnenah kum 19 mi midfielder Romeo Lavia an lakluh duh chuan Pound maktaduai 50 an beisei chu an pek ngei a ngai ang. (Sky Sports)
Liverpool hian Fluminense atangin kum 22 mi Brazil midfielder Andre an ngaihvenna chu an chhunzawm lova, Lavia lamah insawrbing an tum. (Liverpool Echo)
Manchester United chuan West Ham United in Pound maktaduai 30 a kum 26 mi Scotland midfielder Scott McTominay lei an dilna chu an hnawl. (Manchester Evening News)
Manchester United hian tunkarah Netherlands midfielder Donny van de Beek, 26, leh Brazil midfielder Fred, 30, te an hralhna tur tihfel an tum. (Daily Mail)
Barcelona in an ngaihven Celta Vigo rawlthar Gabri Veiga chu Italy champion Napoli pawhin an ngaihven a, Euro maktaduai 30 in lei a tum a mahse a club lamin Euro maktaduai 40 an beisei. (Fabrizio Romano)
Chelsea chuan Leeds United leh USA midfielder Tyler Adams, 24, chu lakluh an tum a, season intan hma ngeiin Brighton leh Ecuador midfielder Moises Caicedo, 21, lakluh fel an tum. (Telegraph)