Aizawl: Mizoram pawna Hnahlan Winery-a siam Isabella Wine hralh turin nimin khan Hnahlan Grape Farming & Processing Co-Op Society Ltd leh RR Sales, Delhi ten thawhdunna thuthlung an ziak.
Planning & Programme Implementation pisaah thawhdunna thuthlung hi ziah niin, HGFPCS Hnahlan Grape Farming & Processing Co-Op Society Ltd aiawhin an chairman, C Vanlalhriata’n hming a ziak a, RR Sales aiawhin V Lalrindika, Director, Business Development-in a ziak ve thung.
He hunah hian H. Rammawi, Vice Chairman, Mizoram State Planning Board leh Dr. ZR Thiamsanga, MLA-te bakah, Hnahlan Grape Farming & Processing Co-Op Society aiawhin Francis Lalmalsawma Sailo a tel bawk.
Thawhdunna thuthlung ziah ang chuan RR Sales hian Isabella chu lei chhawngin Delhi leh a chheh velah zawrhna an zawng ang a. Lei zat tur leh leina tur rate erawh an la tifel lo thung a. Kum nga chhung an thawkho dawn a ni.