British band sawihlawh The 1975 chuan an tuhrah an seng mai dawn niin a lang. Malaysia-a concert an neih tuma an chet duh dan leh tawngkam hman te vangin thubuai siamsakah vau an ni.
Thla hmasa khan an zaipu Matt Healy chuan Malaysia rama LGBT an dodalna chu na takin a sawisel a, stage atangin tawngkam bawlhhlawh a hmang nual.
A hnu lawkah bassist nen an inchuks zui bawk a, a tuk maia Kuala Lumpur-a show an neih tur chu thulhtir nghal an ni zui bawk.
Healy chetdan hi Malaysia ramchhunga LGBT community member te’n an sawisel a ni mai lova, a vuaklet tuar thei reng an nih vang te leh even organiser, ‘Future Sound Asia (FSA) lam atanga Dan hmanga khin buai an ni lovang tih an sawi theih loh tur an tarlan bawk vangin an dinhmun a cheplet zual.
Lehkha an tihchhuahah FAS chuan The 1975 te chu mawhphurhna lak an inhuam tur lehg zangnadawmna thleng pawha pek inhuam tel bawk turin an hraittir bakah heng an hriattirna hi an bawhzui loh chuan English courts lama zualkoah an vau a ni.
FSA hian band member te chet duh dan chu nasa takin an dem a, Healy-a tawngkam hman duh dan mawi lo fahran te, hmanrua an tihchhiat te bakah stage-a an chet dan en nuam lo zet chu an ngaimawh.
An sawi zel danin, band member te hian organiser te nena an inremna an bawhchhia a, chu chuan festival titawp thlenga nghawng a neih zui tak vangin FAS tan channa leh hlohna nasa tak a thlen, an ti.