Premier League club Tottenham chuan WOlfsburg atangin defender Micky van de Ven chu Euro maktaduai 40 in an lalut.
Kum 22 mi man hi a khelhdan a zira an pek tur ang an pek tlak vek chuan Euro maktaduai 50 a han kai thei dawn.
Netherlands Under-21 captain Van de Ven hian kum ruk conyract a ziak a. Nizana Spurs in Barcelona hmachhawn tur team-ah telh hman an tum.
Tottenham hian tun nipuiah player an lakluh palina a ni a, England midfielder James Maddison, Italian goalkeeper Guglielmo Vicario leh Israel winger Manor Solomon te an lalut tawh.
Feet run leh inches li a sang vei khawr centre-half Van de Ven hian kum 2021 khan Bundesliga club hi Dutch team Volendam atangin Pound maktaduai 3 in a zawm a. Mamawh dan a zirin left-back ah pawh chhawr theih a ni.
Wolfsburg tan hian inelna hrang hrangah match 41 khelin goal khat a khung tawh a. Hemi hma hian a bul tanna Volendam tan vawi 48 a inkhel hman.
Tun nipuiah Spurs in coach Ange Postecoglou hnuaiah team thuam that an tum nasa viau a, hetihlaia an boruak lian ber erawh striker Harry Kane a ni.
Bayern Munich in kum 30 mi hi Pound maktaduai 86 a lei an dilna hnuhnung ber chu Spurs hian an hnawl.
German club hian dawr leh an tum nia sawi a awm a, hetihlai hian Kane hian cham chhunzawm pawh a hnial lo niin an sawi tel bawk.