Aizawl: Thorang bialtu MLA Zodintluanga Ralte chuan tun hnai ruahsur nasa avanga a bial chhunga khuarel chhiatna thleng chungchangah Disaster Mangaement & Rehabilitation Department Minister Lalchamliana leh PWD Engineer-in-Chief charge la mektu, Er Lalawmpuia te chu an pisaah hmuin, a rang lama puihna thlen.
Zodintluanga Ralte hian a bial chhunga Tuichawng lui lian lui lian avanga Andermanik khua tuiin a chim avanga harsatna thleng mek te, ruahsur nasa avanga Thorang bial chhung hmun hrang hranga chhiatna tawk mekte leh Phairuang Bunghmun Road inkalpawhna Tleu Quarry chim avanga pingin harsatna a thlen mekte chu a rang lama chhawmdawl leh tanpuina kawnga hma la tura thlen a ni.
DM&R dept changtu Minister Lalchamliana chuan Thorang bialtu MLA in a pisa-a a dawr lai hian hma lak sak nghalin, a tul ang angte an biak pawh sak nghal a. Tleu Quarry chim avanga harsatna chungchangah pawh Lunglei DC be pawp nghalin, thil awm dan te sawiin, a rang lama hma lak nghal a nih tur thu a lo hrilh a ni.
Er. B. Lalawmpuia pawhin Tleu Quarry chim hi kal tlang leh theih tura a theih ang anga hmalak nghal a nih tur thu Thorang bialtu MLA hi hrilhin, theihtawp an chhuah tur thu a sawi.